Bir keksa odam o‘rmondan o‘tin terib, uni og‘ir bog‘ qilib, yelkasida uyiga olib ketayotgan edi. Yo‘l uzoq, yuk og‘ir edi. Oxiri chol holdan toyib, bog‘ni yerga tashladi va nola qildi:

— Bunday hayotdan ko‘ra o‘lgan yaxshi! Ey ajal, qayerdasan? Kel, meni olib ket!

Shu zahoti uning oldida Ajal paydo bo‘ldi:

— Meni chaqirdingmi? Nima istaysan?

Chol qo‘rqib ketdi va shoshib javob berdi:

— Shunchaki... mana shu bog‘ni yelkamga ko‘tarib qo‘ysangiz, deb chaqirgan edim.

Hikmat: Hayot qanchalik og‘ir bo‘lsa ham, inson unga mahkam yopishadi. Oson aytiladigan gapni o‘ylab ayt.