Abdulloh ibn Abbos roziyallohu anhumodan rivoyat qilinadi. Rasululloh sollallohu alayhi vasallam Robbilari — Alloh taborak va taolodan rivoyat qilib aytadilar:

«„Albatta, Alloh yaxshilik va yomonliklarni yozdi, so‘ng buni bayon qildi: kim bir yaxshilikni niyat qilib, uni qilmasa, Alloh uni O‘z huzurida bitta to‘liq yaxshilik qilib yozadi. Agar uni niyat qilib, qilsa, Alloh uni O‘z huzurida o‘ntadan yetti yuz baravargacha, undan ham ko‘p barobar qilib yozadi. Agar bir yomonlikni niyat qilib, uni qilmasa, Alloh uni O‘z huzurida bitta to‘liq yaxshilik qilib yozadi. Agar uni niyat qilib, qilsa, Alloh uni bitta yomonlik qilib yozadi“».

Manba: Buxoriy va Muslim o‘z «Sahih»larida shu lafzlar bilan rivoyat qilgan.

Allohning rahmati qanchalik keng ekaniga qarang: yaxshi niyatning o‘zi savob, qilingan yaxshilik esa o‘n barobardan ortiq ko‘payadi. Yomonlik esa faqat bitta bo‘lib yoziladi, agar uni niyat qilib, Alloh uchun tark qilsangiz — u ham yaxshilikka aylanadi.

Bu hadis yaxshilik qilishga ruhlantiradi va gunohga moyillik paydo bo‘lganda to‘xtab qolishning qadrini ko‘rsatadi. Nafsingizni yengish — o‘zi bir g‘alaba va savob.