Bir xasis bor-budini sotib, oltin quymasiga aylantirdi va uni bog‘ining bir burchagiga ko‘mib qo‘ydi. Har kuni u o‘sha joyga kelib, oltinini kovlab, tomosha qilib, yana ko‘mib qo‘yardi.

Bir ishchi uning qatnovini kuzatib, sirni bilib oldi va kechasi oltinni qazib, o‘g‘irlab ketdi.

Ertasiga xasis bo‘sh chuqurni ko‘rib, sochlarini yulib, faryod chekdi. Qo‘shnisi uning nolasini eshitib, sababini so‘radi.

— Oltinimni o‘g‘irlashdi! — yig‘lardi xasis.

— Undan biror marta foydalanganmiding? — so‘radi qo‘shni.

— Yo‘q, men faqat uni tomosha qilardim.

— Unday bo‘lsa, chuqurga bir tosh ko‘mib, uni tomosha qilaver, — dedi qo‘shni. — Sen uchun farqi yo‘q.

Hikmat: Ishlatilmagan boylik — yo‘q boylik.