Bir baliqchi kun bo‘yi to‘r tashlab, faqat bitta kichkina baliq tutdi.

— Meni qo‘yib yubor, — yolvordi baliqcha. — Ko‘rib turibsan, juda kichkinaman, sendan bir tishlamga ham yetmayman. Meni dengizga qaytarib yubor, men katta bo‘lay, keyin tutsang, yaxshi ovqat bo‘laman.

— Yo‘q, — dedi baliqchi. — Agar qo‘limdagi kichik foydani tashlab, kelajakdagi katta foydaga umid qilsam, ahmoq bo‘laman.

Hikmat: Qo‘ldagi bitta qush, shoxdagi o‘ntasidan afzal.